დღეიდან ალგანი სემუელის მეგობარია!

დაცვისა და უსაფრთხოების კომპანია ალგანმა თბილისის ზოოპარკის ბინადარის, თეთრი ლომის პატრონაჟი ითავა.

13 ივნისის ტრაგედიიდან 4 წლის შემდეგ, ალგანის მენეჯმენტის გადაწყვეტილებით, თეთრი ლომის მეურვეობის აღება იყო კომპანიის დამოკიდებულების და ზრუნვის გამოხატულება თბილისის ზოოპარკის მიმართ.

ცხოველის შერჩევა კომპანიის ლოგოში ლომის პოზიციონირებით იყო გამოწვეული.

პატრონაჟი ლომი სემუელის კვებისა და ცხოველის მოვლისთვის საჭირო ხარჯების ანაზღაურებას გულისხმობს. 

თანამედროვე ზოოპარკებში აქტიურად მიმდინარეობს ე.წ. „პატრონაჟის პროგრამა“, რომელიც ნებისმიერ მსურველს აძლევს შესაძლებლობას, მფარველობის ქვეშ აიყვანოს მისთვის სასურველი რომელიმე ცხოველი.

დაცვისა და უსაფრთხოების კომპანია ცოცხალი ძალით თბილისის ზოოპარკს იცავს.